நடப்பாண்டு விருதுக்காக, 81 நாடுகளில் இருந்து 4 ஆயிரம் விண்ணப்பங்களைப் பரிசீலித்தனர். இறுதியாக, 47 நாடுகளில் இருந்து விருது பெறத் தகுதியான, 94 நபர்களைத் தேர்வு செய்துள்ளனர்.

அதில், கே.எம்.சி.எச்., சி.ஓ.ஓ., டாக்டர் சிவக்குமரனுக்கு, 'பார்ச்சுனா குளோபல் எக்சலன்ஸ் அவார்டு' வழங்கப்பட்டுள்ளது.

மருத்துவத் துறையில், தொலை நோக்குப்பார்வையுடன் கூடிய தலைமை மற்றும் புதுமைகள் புகுத்துதல் ஆகியவற்றில், சிறப்பான செயல்திறனுக்காக இந்த விருது வழங்கப்பட்டுள்ளது. துபாயில் 'குயின் எலிசபை 2' என்ற, சொகுசுக் கப்பலில் நடந்த விழாவில், விருது வழங்கப்பட்டது.

மருத்துவத் துறையில் குறிப்பிட்ட பிரிவில், இந்தியாவில் இருந்து தேர்வு செய்யப்பட்ட ஒரே நபர் டாக்டர் சிவக்குமரன். கே.எம்.சி.எச்., தலைவர் டாக்டர் நல்லா பழனிசாமி, செயல் இயக்குனர் அருண் ஆகியோர், சி.ஓ.ஓ., சிவக்குமரனை வாழ்த்தினர்.