அன்னுார், கரிவரதராஜ பெருமாள் கோவில், 200 ஆண்டுகள் பழமையானது. இக்கோவிலில், பல கோடி ரூபாய் செலவில், திருப்பணிகள் செய்யப்பட்டு, கடந்த ஆண்டு கும்பாபிஷேகம் நடந்தது.

இதையடுத்து, கும்பாபிஷேக முதலாம் ஆண்டு விழா மற்றும் திருக்கல்யாண உற்சவம் நாளை (3ம் தேதி) நடக்கிறது. அதிகாலை 5:30 மணிக்கு, திருப்பள்ளி எழுச்சியும், திருப்பாவை பாடும் நிகழ்ச்சியும், திருமஞ்சனமும் நடக்கிறது.

காலை 10:00 மணி முதல் மதியம் 12:00 மணி வரை, ஹோமம், திருக்கல்யாணம், திருமாங்கல்ய தாரணம் நடைபெறுகிறது. காரமடை வேதவியாச சுதர்சன பட்டர் தலைமையில் வேள்வி பூஜைகள் நடைபெறுகிறது.

விழாவில் பங்கேற்று இறையருள் பெற விழா குழுவினர் அழைப்பு விடுத்துள்ளனர்.