பல்வேறு சுற்றுகளை அடுத்து நடந்த இறுதிப்போட்டியில், திருநெல்வேலி எஸ்.பி.டி.சி., அணியும், திருச்சி கே.என்.பி.சி., அணியும் மோதின. முதலில் பேட்டிங் செய்த எஸ்.பி.டி.சி., அணியினர் 20 ஓவரில் நான்கு விக்கெட்டுக்கு 132 ரன் எடுத்தனர்.

அடுத்து விளையாடிய கே.என்.பி.சி., அணியினர் 15 ஓவரில் அனைத்து விக்கெட் இழப்புக்கு 66 ரன் எடுத்தனர். திருநெல்வேலி அணி சாம்பியன்ஷிப் வென்றது.

மூன்று மற்றும் நான்காம் இடத்துக்கான போட்டியில் வேலுார் ராஜகோபால் பாலிடெக்னிக் கல்லுாரி அணியும், ஈரோடு கே.எஸ்.ஆர்.ஐ.டி., அணியும் விளையாடின. பேட்டிங் செய்த ராஜகோபால் அணியினர் 10 ஓவரில் அனைத்து விக்கெட் இழப்புக்கு 65 ரன் எடுத்தனர். கே.எஸ்.ஆர்.ஐ.டி., அணியினர் எட்டு ஓவரில் இரண்டு விக்கெட்டுக்கு 66 ரன் எடுத்து மூன்றாம் இடம் பிடித்தனர். வெற்றி பெற்ற அணிகளுக்கு, பி.எஸ்.ஜி., பாலிடெக்னிக் ஆட்டோமொபைல் இன்ஜினியரிங் துறை தலைவர் சண்முகசுந்தரம் பரிசுகள் வழங்கினார். உடற்கல்வி இயக்குனர் முரளிகிருஷ்ணன் பங்கேற்றார்.