'இன்டர் பாலிடெக்னிக் அதலெடிக் அசோசியேஷன்'(ஐ.பி.ஏ.ஏ.,) தமிழ்நாடு மற்றும் புதுச்சேரி மாநில அளவிலான டேபிள் டென்னிஸ் போட்டி, பி.எஸ்.ஜி., பாலிடெக்னிக் கல்லுாரியில் நடந்தது. 11 டிவிஷன் அணிகள் பங்கேற்றன.

பல்வேறு சுற்றுகளை அடுத்து நடந்த இறுதிப்போட்டியில், பி.எஸ்.ஜி., பாலிடெக்னிக் கல்லுாரி(கோவை டிவிஷன்) அணி, 3-0 என்ற செட் கணக்கில், புனித ஜோசப் பாலிடெக்னிக் கல்லுாரி அணியை(வேலுார் டிவிஷன்) வென்று, முதலிடம் பிடித்தது.

மூன்று மற்றும் நான்காம் இடத்துக்கான போட்டியில், தியாகராஜா பாலிடெக்னிக் கல்லுாரியும்(சேலம் டிவிஷன்), நந்தா பாலிடெக்னிக் கல்லுாரியும் (ஈரோடு டிவிஷன்) மோதின.

இதில், 3-0 என்ற செட் கணக்கில் தியாகராஜா கல்லுாரி அணி வெற்றி பெற்றது. வெற்றி பெற்றவர்களுக்கு, கல்லுாரி மெக்கானிக்கல் இன்ஜி., துறை பேராசிரியர்கள் நாகராஜ், சரவணக்குமார் ஆகியோர் பரிசுகள் வழங்கினர்.