பூங்கா இடத்துக்கு அருகே வெள்ளலுார் ராஜவாய்க்கால் செல்கிறது.இப்பகுதியில் புதிதாக உருவாகியுள்ள, லே-அவுட்டுக்கு வழித்தடம் ஏற்படுத்த, ராஜவாய்க்கால் குறுக்கே பாலம் கட்டப்பட்டுள்ளது.

பூங்கா இடத்தை ஆக்கிரமித்து, சாலை அமைக்க முயற்சி மேற்கொள்ளப்பட்டது. அப்பகுதி மக்கள், மாநகராட்சிக்கு தகவல் கொடுத்து, தடுத்து நிறுத்தினர். இதற்கு எதிர்ப்பு தெரிவித்தும், லே-அவுட்டுக்குச் செல்ல வழித்தடம் தேவை என கூறியும், சென்னை ஐகோர்ட்டில் வழக்கு தொடரப்பட்டது.

மாநகராட்சி தரப்பில், பொது ஒதுக்கீடு இடம் என வாதிடப்பட்டது; அம்மனு தள்ளுபடி செய்யப்பட்டது. உடனே, அவ்விடத்தை மாநகராட்சி நகரமைப்பு பிரிவினர் சுத்தம் செய்தனர். இனி, சுற்றிலும் வேலி அமைக்க இருப்பதாக, தெற்கு மண்டல உதவி நகரமைப்பு அலுவலர் ஜெயலட்சுமி தெரிவித்தார்.