சிங்காநல்லுார் எம்.எல்.ஏ., ஜெயராம் பேசுகையில், ''தமிழக அரசு, விமான நிலைய விரிவாக்கத்துக்கு கையகப்படுத்திய நிலங்களை ஒப்படைக்கவில்லை; அவிநாசி - அத்திக்கடவு திட்டத்தை நிறைவேற்றவில்லை. இனி, தி.மு.க., அமைச்சர்களை புழல் சிறையில் தான் சந்திக்க வேண்டிய நிலை ஏற்படும்,'' என்றார்.

எம்.எல்.ஏ., அம்மன் அர்ச்சுணன் பேசுகையில், 'தி.மு.க., ஆட்சியில் குற்றவாளிகளுக்கே போலீசார் பாதுகாப்பு தருகின்றனர். புகார் கொடுப்போரை கைது செய்கின்றனர்' என்றார். எம்.ஜி.ஆர்., பற்றி பேசுவதற்கு ஆ.ராசாவுக்கு தகுதியில்லை. வீட்டை விட்டு வெளியே வர முடியாதபடி போராட்டம் நடத்துவோம். பாராளுமன்ற தேர்தலில் தி.மு.க.,வுக்கு மக்கள் அடி கொடுப்பார்கள்' என்றார். கூட்டத்தில், முன்னாள் எம்.எல்.ஏ.,க்கள் மகேஸ்வரி, சின்னசாமி, மாணவரணி செயலாளர் சந்திரசேகர், கவுன்சிலர் பிரபாகரன் உட்பட பலர் பங்கேற்றனர்.