காரமடை அருகே கள்ளிப்பாளையத்தில், ஸ்ரீதேவி பூதேவி சமேதராக வரதராஜப் பெருமாள் கோவில் உள்ளது. இக்கோவில் திருப்பணிகள் நடைபெற்று, கும்பாபிஷேகம் விழா 14-ம் தேதி துவங்கியது. முளைப்பாரி ஊர்வலத்துடன், வேதபாராயணம் நடந்தது. விமான கலசம் நிறுவப்பட்டது.

நேற்று காலை, 9:00 லிருந்து, 10:00 மணி வரை, காரமடை வேதவியாச சுதர்சன பட்டர் தலைமையில், புனிதநீர் ஊற்றி, மகா கும்பாபிஷேகம் நடந்தது. விழாவில் சுப்பையன், ஆனந்த ஆழ்வார், தலைமை செயற்குழு உறுப்பினர் சண்முகசுந்தரம் உள்பட ஏராளமான பக்தர்கள் பங்கேற்றனர். அனைவருக்கும் அன்னதானம் வழங்கப்பட்டது.