அன்னுார், சிறுமுகை சாலையில் உள்ள கவுண்டம்பாளையத்தில், செல்வ விநாயகர், மாகாளியம்மன் கோவில் பூச்சாட்டு திருவிழா கடந்த 19ம் தேதி துவங்கியது. கடந்த 26ம் தேதி இரவு, அணிக்கூடை எடுத்தல், பால்குடம், தீர்த்த குடம் கொண்டு வருதல், அபிஷேக பூஜை நடந்தன. நேற்று அதிகாலை 4:30 மணிக்கு, பக்தர்கள் சக்தி கரகம் எடுத்து வந்தனர். அம்மனுக்கு திருக்கல்யாண உற்சவம் நடந்தது. கோவில் வளாகத்தில் பொங்கல் வைக்கப்பட்டது.

காலை 11:00 மணிக்கு மாவிளக்கு ஊர்வலம் நடந்தது. மதியம் செல்வ விநாயகர் மற்றும் மாகாளியம்மனுக்கு அலங்கார பூஜை நடந்தது. இதில், பக்தர்கள் திரளாக பங்கேற்றனர். இன்று, மாகாளி அம்மனுக்கு அபிஷேகப்பூஜை, மதியம் மஞ்சள் நீராட்டு, அம்மன் திருவீதி உலா ஆகியவை நடக்கின்றன.