இதற்காக 83 குழுக்களில் 166 பேர் நியமிக்கப்பட்டுள்ளனர். இக்குழுக்கள் நோயாளிகளை கண்டறிய வும், தொழுநோய் குறித்த விழிப்புணர்வையும் ஏற்படுத்தி வருகின்றனர். இதில் சிலருக்கு பரிசோதனையின் போது தொழு நோய் புதிதாக கண்டுபிடிக்கப்பட்டு மாத்திரைகளும் வழங்கப்பட்டு வருகின்றன.

இதனிடையே, இப்பணிகளை நேற்று காரமடை அருகே பெரிய குமாரபாளையம் பகுதியில், கோவை மாவட்ட தொழுநோய் துணை இயக்குனர் டாக்டர் சிவகுமாரி நேரில் பார்வையிட்டு ஆய்வு மேற்கொண்டார். பின் சுகாதாரத்துறையினருக்கு அடுத்த கட்ட நடவடிக்கை குறித்து அறிவுரை வழங்கப்பட்டது.