ஒரு நாளுக்கு மட்டுமல்ல... ஒரு மாதத்துக்கு மூன்று வேளையும் உணவு தேவைப்படுகிறது என்றால், அதற்கு நாங்கள் இருக்கிறோம் என்று 'ஹலோ' சொல்கின்றனர், 'ஹோம் கிட்சன்' நிறுவனத்தார்.

கடந்தாண்டு, சபரீஷ் என்பவர் சிறியளவில் துவங்கிய, ஹோம் கிட்சனுக்கு கிடைத்த வரவேற்பால், கணபதி மற்றும் உக்கடம் பகுதிகளிலும் விரிவுபடுத்தப்பட்டுள்ளது.

சபரீஷிடம் ஒரு நேர்காணல்...

ஹோம் கிச்சன் என்றால்...?

வீட்டு சமையலை போல், சுவையும், ஆரோக்கியமும் நிறைந்திருக்கும். தினம் மூன்று வேளைக்கும் நேரத்துக்கு ஏற்ப நேரில் வாடிக்கையாளருக்கு கொண்டு சேர்ப்பது. உணவில் செயற்கை நிறங்கள் சேர்ப்பதில்லை. ஹோம் கிட்சனில், மூன்று வேலையும் மாதத்துக்கு சேர்த்து ரூ.5,000ம் மட்டுமே ஆகிறது. ஒரு நாளுக்கு ரூ.192 என்பது கணக்கு.

எங்கு கிடைக்கிறது?

கோவையில் துடியலுார், சரவணம்பட்டி, சுங்கம், டி.வி.எஸ்., நகர், கவுண்டம்பாளையம் பகுதிகளில் ஹோம் கிட்சன் சேவை உள்ளது. இப்பகுதிகளை மையமாக வைத்து, 10 கி.மீ., சுற்றளவில் உணவு வினியோகிக்கிறோம். காலை: 7:15 முதல் -9:00 மணி, மதியம் 12:15 முதல் 2:00 மணிக்குள், இரவு 7:00 மணி முதல் 8:00 மணிக்குள், வாடிக்கையாளர்களுக்கு உணவு சேர்த்து விடுவோம்.

மெனு ப்ளீஸ்?

காலை: இட்லி, பொங்கல், தோசை, கிச்சடி, ஊத்தப்பம்.மதியம்: சாம்பார் சாதம், வெரைட்டி ரைஸ், சைவ, அசைவ சாப்பாடு இரவு: சப்பாத்தி, பணியாரம், ஆலு பரோட்டா.

உப்பு, கார அளவை குறைக்கவும், அதிகரிக்கவும் வாடிக்கையாளர்கள் சொல்லலாம்.

அடுத்த திட்டம்?

மக்கள் தரப்பில் வரவேற்பு உள்ளதால், புதிய பகுதிகளில் விரைவில் சேவை துவங்க உள்ளோம்.

இவர்களை, 96000 44092 என்ற எண்ணில் தொடர்பு கொள்ளலாம்.