போத்தனுார் ரயில்வே யார்டில் பராமரிப்பு பணிகள் நடக்க உள்ளன. இதன் காரணமாக வரும், 15, 16ம் தேதிகளில் ரயில்கள் இயக்கத்தில் மாற்றம் செய்யப்பட்டுள்ளதாக, சேலம் கோட்ட ரயில்வே துறை அறிவித்துள்ளது.

அதன்படி, கண்ணுார் - கோவை (16607), மதுரை - கோவை (16722) எக்ஸ்பிரஸ் போத்தனுார் வரை இயக்கப்படும்.மேட்டுப்பாளையம் - போத்தனுார் (66611) ரயில் கோவை ரயில்வே ஸ்டேஷன் வரை மட்டுமே இயக்கப்படும்.

கோவை - மதுரை (16721), கோவை - கண்ணுார் (16608) ரயில்கள் கோவைக்கு பதிலாக போத்தனுார் ரயில்வே ஸ்டேஷனில் இருந்து புறப்படும்.அதேபோல், போத்தனுார் - மேட்டுப்பாளையம்(66616) மெமு ரயில் போத்தனுாருக்கு பதில் கோவை ரயில்வே ஸ்டேஷனில் இருந்து புறப்படும்.