சம்பவ இடத்தில் பெரியநாயக்கன்பாளையம் டி.எஸ்.பி., பொன்னுசாமி, தடாகம் இன்ஸ்பெக்டர் சித்ரா மற்றும் போலீசார் விசாரணை நடத்தினர். இதில் இறந்து போன நபர் சின்ன தடாகம் பகுதியைச் சேர்ந்த ராகவன், 36; டிரைவர் என தெரிய வந்தது. இவர் தனது மனைவியை ஆறு மாதமாக பிரிந்து வாழ்கிறார் என்றும், மூன்று வயதில் ஒரு பெண் குழந்தை உள்ளது என்பதும் தெரிய வந்தது. மது அருந்தும் பழக்கமுடைய ராகவன் குடிபோதையில் கீழே விழுந்து இறந்தாரா அல்லது யாராவது தாக்கி கொலை செய்யப்பட்டாரா என்பது குறித்து போலீசார் விசாரணை நடத்தி வருகின்றனர்.