கோவில்பாளையத்தை அடுத்த கரட்டு மேட்டில், குன்றின் மீது ரத்தினகிரி குமரக் கடவுள் கோவில் உள்ளது. பழமையான இக்கோவிலில் கடந்த மார்ச் 9ம் தேதி கும்பாபிஷேகம் நடந்தது.

மண்டல பூஜை நிறைவு விழா நேற்று முன்தினம் நடந்தது. காலை 6:30 மணிக்கு, பிள்ளையார் வழிபாடு, வேள்வி வழிபாடு, திருவிளக்கு வழிபாடு நடந்தது. காலை 8:00 மணிக்கு, ரத்தின விநாயகர், திரிசூல பெருமான் உள்ளிட்ட தெய்வங்களுக்கு திருக்குட நீராட்டு நடந்தது. சிரவை ஆதினம் குமரகுருபர சாமிகள் தலைமை வகித்து நடத்தினார்.

குமரக் கடவுளுக்கு பல்வேறு திரவியங்களால் அபிஷேகம், நடந்தது. காலை 10:40 மணிக்கு, விநாயகர், உற்சவர் மற்றும் முருகப்பெருமானுக்கு திருக்குட நீராட்டு நடந்தது. பேரொளி வழிபாடும் நடந்தது. அன்னதானம் வழங்கப்பட்டது.

சரவணம்பட்டி, கோவில்பாளையம் பகுதியைச் சேர்ந்த பல ஆயிரம் பக்தர்கள் பங்கேற்றனர். மண்டல பூஜை நிறைவு விழாவில், குமரக் கடவுள் சிறப்பு அலங்காரத்தில் அருள் பாலித்தார்.