வால்பாறை சுப்ரமணிய சுவாமி கோவில் வளாகத்தில் எழுந்தருளியுள்ள ஐயப்ப சுவாமி கோவிலின், 38ம் ஆண்டு மண்டல பூஜை திருவிழா, கடந்த, 18ம் தேதி கொடியேற்றத்துடன் துவங்கியது.

நேற்று காலை, 12:00 மணிக்கு நடுமலை ஆற்றில் ஆராட்டு விழா நடந்தது. தொடர்ந்து, 108 கலசங்களுடன் பக்தர்கள் புனித தீர்த்தத்தை ஊர்வலமாக கோவிலுக்கு கொண்டு சென்று ஐயப்ப சுவாமிக்கு அபிேஷக பூஜை செய்தனர். மாலை, 6:30 மணிக்கு ஐயப்ப சுவாமிக்கு, 1,008 விளக்கு பூஜை மற்றும் ஊஞ்சல் சேவை நடந்தது. இதில், நுாற்றுக்கணக்கான பக்தர்கள் கலந்து கொண்டனர்.

இன்று, காலை, 11:00 மணிக்கு அன்னதானம் வழங்கும் விழாவும், மாலை 3:00 மணிக்கு புதிய பஸ் ஸ்டாண்டிலிருந்து ஐயப்ப பக்தர்கள் ஊர்வலமாக பாலக்கொம்பு எடுத்து வருகின்றனர்.

நாளை, 22ம் தேதி காலை, 11:00 மணிக்கு ஐயப்ப சுவாமிக்கு புஷ்பாஞ்சலி பூஜையும், மாலை, 6:00 மணிக்கு அலங்கரிக்கப்பட்ட தேரில் சுவாமி எழுந்தருளி திருவீதி உலா சென்று பக்தர்களுக்கு அருள்பாலிக்கிறார். விழா ஏற்பாடுகளை, அகிலபாரத ஐயப்ப சேவா சங்க நிர்வாகிகள் செய்து வருகின்றனர்.