வால்பாறை அடுத்துள்ளது காடம்பாறை கிளை நுாலகம். இந்த நுாலகத்தை பள்ளி, கல்லுாரி மாணவர்கள், வாசகர்கள் அதிகளவில் பயன்படுத்தி வருகின்றனர்.

இது தவிர, பல்வேறு போட்டித்தேர்வுக்காக படிக்கும் மாணவர்களும், அதிகளவில் நுாலகத்தை பயன்படுத்தி வருகின்றனர்.

இந்நிலையில், நுாலகத்தில் காடம்பாறை அரசு உயர்நிலைப்பள்ளியை சேர்ந்த, 18 மாணவர்கள், நுாலக வாசகர் வட்ட உறுப்பினர்களாக சேர்ந்தனர்.

நிகழ்ச்சியில், காடம்பாறை அரசு உயர்நிலைப்பள்ளி தலைமை ஆசிரியர் மணிகண்டன், வால்பாறை வாசகர் வட்ட தலைவர் பொன்னான், மற்றும் ஆசிரியர்கள் கலந்து கொண்டனர்.

வால்பாறை மற்றும் காடம்பாறை கிளை நுாலகங்களின் நுாலகர் வேலுச்சாமி கூறுகையில், ''மலைவாழ்மக்கள் அதிகளவில் படிக்கும் இந்தப்பள்ளியில், மாணவர்களிடையே வாசிப்பு திறனை அதிகரிக்கும் வகையில், தலைமை ஆசிரியர் முயற்சியில், 18 மாணவர்கள் நுாலக வாசகர்களாக இணைத்துள்ளார். மாணவர்கள் நுாலகத்தை அதிகளவில் பயன்படுத்தி, பொது அறிவை வளர்த்துக்கொள்ள வேண்டும்,'' என்றார்.