கோவை சூலூர் தாலுகாவுக்குட்பட்ட இடையார்பாளையத்தில் தனியார் நிறுவனத்தாரால் பட்டா நிலத்தில் அனுமதியின்றி குவாரி பணி மேற்கொள்ளப்பட்டது. இதற்காக டிராக்டர் கம்ப்ரசர் பயன்படுத்தப்பட்டது. அவற்றை கனிமவளத்துறையினர் சிறைபிடித்து சூலுார் போலீஸ் வசம் ஒப்படைத்தனர். அதே போல் அனுமதியின்றி கிராவல் மண் ஏற்றிக்கொண்டு கோவை சத்தி சாலையில் வந்த இரண்டு டிப்பர் லாரிகளை கனிமவளத்துறையினர் சிறைபிடித்து அன்னுார் போலீசார் வசம் ஒப்படைத்துள்ளனர்.

கோவை மாவட்ட கனிமவளத்துறை உதவி இயக்குனர் விஜயராகவன் கூறுகையில், ''கனிமவளத்துறை அதிகாரிகள் தொடர்ந்து இது போன்று நடவடிக்கை மேற்கொள்வர்,'' என்றார்.