ADDED : செப் 28, 2026 01:11 PM
அ நிறம் | அளவு
வால்பாறை: வால்பாறை அரசு மேல்நிலைப்பள்ளி நாட்டுநலப்பணி திட்டத்தின் சார்பில், அக். 2ம் தேதி வரை சிறப்பு முகாம் நடக்கிறது.
நாட்டு நலப்பணி திட்ட துவக்க விழா பள்ளி தலைமை ஆசிரியர் சிவன்ராஜ் தலைமையில் நடந்தது. விழாவில் நகராட்சி தலைவர் அழகுசுந்தரவள்ளி, துணை தலைவர் செந்தில்குமார், உதவி தலைமை ஆசிரியர் ஜான்சிசலோமி, பட்டதாரி ஆசிரியர் தனபாக்கியம் ஆகியோர் பேசினர்.
முகாமில் பள்ளி வளாகம் சுத்தம் செய்தல், இலவச சட்ட உதவி முகாம், பட்டிமன்றம், தியானம், கலை நிகழ்ச்சி, சுற்றுப்புற சுகாதாரம், மருத்துவ முகாம், சுகாதாரம் குறித்த சிறப்பு கருத்தரங்கு உள்ளிட்ட பல்வேறு நிகழ்ச்சிகள் நடைபெறுகின்றன.
முகாமிற்கான ஏற்பாடுகளை, திட்ட அலுவலர் சுப்ரமணியம், உதவி திட்ட அலுவலர் ராகவன் ஆகியோர் செய்திருந்தனர்.
