UPDATED : அக் 21, 2026 07:49 PM
ADDED : அக் 21, 2026 07:44 PM
அன்னூர்: நேந்திரன், ஒரு கிலோ, 53 ரூபாய்க்கு, கொள்முதல் செய்ததால், விவசாயிகள் மகிழ்ச்சி அடைந்துள்ளனர்.
அன்னூர் வட்டாரத்தில், 1,500 ஏக்கருக்கும் அதிகமான பரப்பளவில் நேந்திரன், கதலி, ரோபஸ்டோ ரக வாழை பயிரிடப்படுகிறது. இதில் பெரும்பாலும் குவின்டால் ரகம் நல்ல விளைச்சல் தருகிறது. விளைவிக்கப்படும் வாழைகளில், 90 சதவீதம் கேரளாவுக்கு அனுப்பப்படுகிறது. பத்து சதவீதம் மட்டும் உள்ளூருக்கும், மும்பைக்கும் அனுப்பப்படுகிறது. கடந்த இரண்டு வாரங்களாக, நேந்திரன் வாழை தார் நல்ல விலைக்கு கொள்முதல் செய்யப்படுவதால் விவசாயிகள் மகிழ்ச்சி அடைந்துள்ளனர்.
இதுகுறித்து வாழை விவசாயிகள் கூறுகையில், 'தற்போது, ஒரு கிலோ நேந்திரன் தோட்டத்தில், 53 ரூபாய்க்கு வியாபாரிகள் கொள்முதல் செய்கின்றனர். கடந்த வாரத்தை விட ஒரு கிலோவுக்கு, ஏழு ரூபாய் குறைந்துள்ளது. ஆனாலும், 53 ரூபாய் என்பது நல்ல விலை. இது மகிழ்ச்சி தருகிறது,' என்றனர்.
