ஒரு வாரத்திற்கு மேலாக இப்பகுதியில் கனமழை உள்ளது. இதனால் மார்க்கெட்டுகளுக்கு வியாபாரிகளின் வருகை குறைந்துள்ளது; காய்கறி விலையும் வீழ்ந்துள்ளது.

பூலுவபட்டி தினசரி காய்கறி மார்க்கெட்டில் நேற்று 15 கிலோ எடையுள்ள ஒரு டிப்பர் தக்காளி, ரூ.450, ஒரு கிலோ பயறு, ரூ.40, கத்தரி, ரூ.5, வெண்டை, ரூ.20, மிளகாய், ரூ.30, முட்டைக்கோஸ், ரூ.10, காலிபிளவர், ரூ.20 விற்பனையானது.

தினசரி காய்கறி மார்க்கெட் வியாபாரிகள் கூறுகையில், ‘தொடரும் மழையால், சாலையோர, சந்தை வியாபாரிகளால் கடை அமைக்க முடியவில்லை. அவர்கள் காய்கறி வாங்க வராததால் விற்பனை குறைந்துள்ளது. வெளியூர் காய்கறி வரத்து அதிகரித்துள்ளதும் விலை குறைய காரணம்’ என்றனர்.