சிறு வணிகர்கள், போக்குவரத்து, கைத்தறி, விசைத்தறி, தொழில், வாணிபம், வீடு கட்டுதல், வீட்டு அடமானம், 2021ல் தள்ளுபடி கிடைக்காத, தகுதியான சுய உதவிக்குழுவினர் மற்றும் கூட்டுப்பொறுப்புக்குழு கடன்கள் இதற்கு பொருந்தும்.

மேலும், தாட்கோ, டாம்கோ, டாப்செட்கோ, வேளாண் உற்பத்தியாளர்கள் கூட்டுறவு விற்பனை சங்கங்கள் மூலம் வேளாண் விளைபொருட்கள் கொள்முதல், விற்பனை செய்த வகையில் உறுப்பினர்களிடம் இருந்து வர வேண்டிய இனங்கள் ஆகியவற்றுக்கும் கடன் தீர்வுத் திட்டம் பொருந்தும்.

இதில், திருப்பிச் செலுத்த வேண்டிய கடன் நிலுவையில், 25 சதவீத தொகையை, மார்ச், 12க்குள் சம்பந்தப்பட்ட கூட்டுறவு சங்கங்களில் திருப்பிச் செலுத்த வேண்டும். மீதமுள்ள, 75 சதவீத தொகையை, ஆறு மாதத்துக்குள், ஆறு தவணைக்குள் செலுத்த வேண்டும்.

கோவை மாவட்டத்தில் தகுதி வாய்ந்த, 15 ஆயிரத்து, 153 நபர்களுக்கு தபால் மூலம் தகவல் அனுப்பப்படுகிறது. கூடுதல் தகவல்களுக்கு சம்பந்தப்பட்ட சங்கங்களை தொடர்பு கொள்ளலாம் என, கலெக்டர் கிராந்திகுமார் தெரிவித்துள்ளார்.