UPDATED : நவ 21, 2026 03:04 PM
ADDED : நவ 21, 2026 03:04 PM
கோவை: ஊட்டச்சத்து குறைபாட்டை தவிர்க்கவும், ரத்தசோகை இல்லாத கிராமங்களை உருவாக்கவும், ஊராட்சி, வட்டார மற்றும் மாவட்ட அளவில் பாரம்பரிய உணவுத் திருவிழா மற்றும் சிறுதானிய போட்டிகள் நடக்கின்றன.
தமிழ்நாடு மகளிர் மேம்பாட்டு நிறுவனத்தின் கூட்டாண்மை மற்றும் ஒருங்கிணைப்புடன், வட்டார அளவிலான போட்டிகள் வரும் 24ம் தேதி வட்டார இயக்க மேலாண்மை அலுவலகத்திலும், மாவட்ட அளவிலான போட்டிகள் 27ம் தேதி கலெக்டர் அலுவலக வளாகத்திலும் நடக்கிறது.
ஊராட்சி அளவிலான போட்டிகளில் முதல் பரிசு ரூ.400, இரண்டாம் பரிசு ரூ.300, மூன்றாம் பரிசு ரூ.200; வட்டார அளவில் முதல் மூன்று இடங்களை பெறுவோருக்கு முறையே ரூ.4,000, ரூ.3,000, ரூ.2,000 வழங்கப்படும். மாவட்ட அளவில் முதல் பரிசு ரூ.10 ஆயிரம், இரண்டாம் பரிசு ரூ.8,000, மூன்றாம் பரிசாக ரூ.6,000 மற்றும் ஆறுதல் பரிசாக தலா ரூ.2,000 வீதம் இருவருக்கு வழங்கப்படும்.
