பெ.நா.பாளையம்; பெரியநாயக்கன்பாளையம் அருகே உள்ள பிளிச்சி கிராமத்தில் கோவை தமிழ்நாடு வேளாண் பல்கலை, 4ம் ஆண்டு படிக்கும் மாணவியர், கிராமப்புற வேளாண்மை பயிற்சி பெற்று வருகிறார்கள். 65 நாட்கள் நடக்கும் இப்பயிற்சியில் விவசாயம் சார்ந்த தொழில் நிறுவனங்களில் பயிற்சி பெறுதல், பல்கலை புதிய ரகங்களின் பயன்பாடு, வேளாண்மையில் புதிய தொழில்நுட்பத்தின் அவசியம் ஆகியவை குறித்த விழிப்புணர்வுகளை ஏற்படுத்தி வருகின்றனர். இந்நிலையில் பிளிச்சி கிராம விவசாயிகளிடையே வேளாண் உதவி இயக்குனர் அலுவலக அதிகாரிகளின் உதவியுடன், அதிக அளவில் பயிரிடப்படும் தென்னை மரத்தில் பயன்படுத்தப்படும் நுண்ணூட்டச் சத்து ஊக்கியான தமிழ்நாடு வேளாண்மை பல்கலையின், தென்னை டானிக் பயன்படுத்தும் முறை குறித்து, பல்கலை மாணவியர் விவசாயிகளுக்கு செயல்முறை விளக்கம் அளித்தனர்.