இண்டிகோ விமான நிறுவனம், பேங்காக், துபாய், தமாம், ஜெட்டா, குவைத், மஸ்கட், ரசல் கைமா ஆகிய எட்டு வெளிநாட்டு விமான சேவைகளை வழங்கி வருகிறது. உள்நாட்டில், 41 நகரங்களுக்கு இணைப்பு சேவையை வழங்குகிறது.

இந்நிலையில் தற்போது, ஐதராபாத் - கோவை இடையே, மேலும் ஒரு விமான சேவையை வழங்க இண்டிகோ நிறுவனம் திட்டமிட்டுள்ளது.

இதன்படி, வரும் ஜன., 14ம் தேதி முதல், ஐதராபாத் - கோவை - ஐதராபாத் விமான சேவைகள் துவங்கப்பட உள்ளன. இதன்படி, ஐதராபாத்தில் இருந்து காலை 7:00 மணிக்கு புறப்படும் விமானம், காலை 8:35 மணிக்கு கோவை வந்தடையும். கோவையிலிருந்து காலை 9:10 மணிக்கு புறப்படும் விமானம், ஐதராபாத்துக்கு காலை 11:00 மணிக்கு சென்றடையும்.

ஏற்கனவே இண்டிகோ நிறுவனம், ஐதராபாத்துக்கு நான்கு விமான சேவைகளை வழங்கி வருகிறது. ஐந்தாவதாக துவங்கப்படும், விமான சேவையின் வாயிலாக, கோவை - ஐதராபாத் இடையே தினமும், 13 ஆயிரம் பயணிகள் பயணிப்பர்.

இது கோவையிலிருந்து சென்னை, மும்பை விமான சேவைகளுக்கு அடுத்தபடியாக, மூன்றாவது பரபரப்பான வழித்தடமாக இருக்கும்.