மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னுார், கோத்தகிரி, கேத்தி, கூடலுார் என பல்வேறு இடங்களில் உற்பத்தி செய்யப்படும் உருளைக்கிழங்குகள், ஏலம் விடப்பட்டு விற்பனை செய்யப்படுகிறது. கடந்த ஐந்து நாட்களுக்கு முன், அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.2,760 வரை விற்பனை ஆனது. அதன் பின், மெல்ல விலை சரிந்து வந்தது. தற்போது வரத்து அதிகரித்துள்ளதால், விலை சரிந்து, ரூ.2,000க்கும் கீழ் விற்பனையாகி வருகிறது. ஐந்து நாட்களில் மூட்டை ஒன்றுக்கு ரூ.880 விலை குறைந்துள்ளது.

கூட்டுறவு விற்பனை சங்க அதிகாரி ஒருவர் கூறுகையில், 'ஊட்டி உருளைக்கிழங்குகள் வரத்து அதிகரித்துள்ளது. நேற்று ஊட்டி கிழங்குகள் அதிகபட்சமாக ரூ.1,880க்கு விற்பனை ஆனது. 2,950 மூட்டைகள் லோடு வந்தன' என்றார்.