மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது. கடந்த சில நாட்களாக அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.2,800 முதல் ரூ.3,000 வரை விற்பனை ஆனது. அதன் பின் மெல்ல மெல்ல விலை உயர்ந்து வந்தது.

இதையடுத்து, கடந்த சனிக்கிழமை ஊட்டி கிழங்குகள் அதிகபட்சமாக ரூ.3,010க்கு விற்பனை ஆனது. நேற்று முன் தினம் ஆடிப்பெருக்கு என்பதால் கூட்டுறவு விற்பனை சங்கம் விடுமுறை.

இதனிடையே நேற்று ஒரே நாளில் மூட்டைக்கு ரூ.790 சரிந்து, ரூ.2,220க்கு விற்பனை ஆனது. விற்பனைக்கு 1100 மூட்டைகள் வந்தன.---