கிருஷ்ணாபுரம் குடியிருப்பு பகுதியில் முட்டை கோழிப்பண்ணை கட்டுமானப்பணி நடந்து வருகிறது. இதற்கு அப்பகுதி மக்கள் எதிர்ப்பு தெரிவித்து முற்றுகை போராட்டம் நடத்தப்போவதாக அறிவித்திருந்தனர். இந்நிலையில், சூலுார் தாசில்தார் தலைமையில் நேற்று பேச்சுவார்த்தை நடந்தது. மாசு கட்டுப்பாட்டு வாரியத்தின் உரிய அனுமதி பெற்று, கட்டுமான பணிகளை செய்ய தாசில்தார் அறிவுறுத்தினார். அதுவரை கட்டுமான பணிகளை நிறுத்தி வைக்க உத்தரவிட்டார்.