பெரியநாயக்கன்பாளையம் அருகே பாலமலை ரங்கநாதர் கோவில் உள்ளது. ராமானுஜர் வருகை தந்த திருக்கோவில் என பெயர் பெற்ற கோவில் வளாகம் அருகே பஞ்சமுக ஆஞ்சநேயர் சிலை நிறுவப்பட்டுள்ளது. இச்சிலை பிரதிஷ்டை விழா, இம்மாதம், 10ம் தேதி திங்கட்கிழமை காலை, 9:00 மணிக்கு மேல், 10:30 மணிக்குள் நடக்கிறது.

விழாவையொட்டி, 9ம் தேதி வாஸ்து சாந்தி, ஹோமம், வேத பாராயணம், திவ்ய பிரபந்தம் சாற்றும் முறை, தீர்த்த பிரசாதம் நிகழ்ச்சிகள் நடக்கின்றன. 10ம் தேதி காலை திருமஞ்சனம், ஹோமம், நாடி சந்தானம், யாத்திர தானம் நடக்கிறது.

தொடர்ந்து, காலை, 9:00 மணிக்கு கும்பாபிஷேக விழா, தீர்த்த பிரசாதம் வழங்குதல் நிகழ்ச்சி நடக்கிறது. விழா ஏற்பாடுகள், பாலமலை ரங்கநாதர் திருக்கோவில் பரம்பரை அறங்காவலர் ஜெகதீசன் தலைமையில் நடந்து வருகிறது.