ஆனால், சில பஸ் டிரைவர்கள், பஸ் ஸ்டாண்டிற்குள் பஸ்சை கொண்டு செல்வதில்லை. பஸ் ஸ்டாண்டிற்கு வெளியில் ரோட்டில் நிறுத்தி பயணியரை இறக்கி விடுகின்றனர். இதனால், வாகனங்களுக்கு இடையூறு ஏற்படுகிறது.

பயணியர் கூறியதாவது:

டவுன் பஸ் மட்டுமின்றி, தொலைதுார பஸ்களும், சில நேரங்களில் பஸ் ஸ்டாண்டிற்குள் செல்லாமல், ரவுண்டானா பகுதியிலேயே நிறுத்தப்படுகிறது. இதனால், பிற ஊர்களுக்குச் செல்லும் பயணியர், அந்த பஸ்சை பிடிப்பதற்காக, போக்குவரத்து நிறைந்த சாலையை, அவசர கதியில் கடந்து செல்ல வேண்டியுள்ளது.

இது குறித்து, போலீசாரே கேள்வி எழுப்பினாலும், டிரைவர்கள் அலட்சியமாக பதில் அளிக்கின்றனர். துறை ரீதியான அதிகாரிகள், அவ்வப்போது ஆய்வு நடத்தி, அனைத்து பஸ்களையும் பஸ் ஸ்டாண்டிற்குள் சென்று திரும்ப நடவடிக்கை எடுக்க வேண்டும். இவ்வாறு, கூறினர்.