தமிழக அரசின் பல்வேறு துறைகளில் பணிபுரிந்து ஓய்வு பெற்ற பென்சனர்களுக்கு, மாதந்தோறும் வழங்கப்படும் பென்சனில், ஒரு பொதுத்துறை இன்சூரன்ஸ் நிறுவனம், 479 ரூபாயை மாதந்தோறும் பிடித்தம் செய்கிறது.

கோவையில் மட்டும் சுமார் ஒரு லட்சம் பென்சனர்கள் உள்ளனர். இவர்கள், மருத்துவ அறுவை சிகிச்சை மேற்கொள்ள, பல மருத்துவமனைகளில், 'கேஷ்லெஸ்' சேவை மறுக்கப்படுவதாக வேதனையுடன் தெரிவிக்கின்றனர்.

இது குறித்து, கோவை சித்தாபுதுாரை சேர்ந்த ஓய்வூதியர் பொன்வேலாயுதன் கூறியதாவது: பெரும்பாலான ஓய்வூதியர்களுக்கு, மருத்துவ காப்பீட்டுத்தொகை வழங்கப்படுவதில்லை. அப்படியே வழங்கினாலும், மருத்துவமனையில் சிகிச்சைக்கு செய்த முழுதொகை வந்து சேருவதில்லை.

கண், கருப்பை, குடலிறக்கம், எலும்பு முறிவு, இருதய அறுவை சிகிச்சை என்று கட்டணத்தை வகைப்படுத்தி, அதற்கேற்ப தொகையை வழங்குகின்றனர். இது, செலவு செய்த தொகையை விட மிககுறைவாக உள்ளது.

அப்படி இருக்கும் சூழலில், நாங்கள் எதற்கு மாதந்தோறும் மருத்துவ காப்பீட்டுத்தொகைக்காக, 479 ரூபாயை செலுத்த வேண்டும்? ஒவ்வொரு பென்ஷனரிடமிருந்தும், இவ்வளவு தொகையை பெற்றுக்கொண்டு, எங்களுக்கு பணம் பெறாமல் ஏன் சிகிச்சை வழங்குவதில்லை?

இதற்கு அரசு காப்பீட்டு நிறுவனம் விளக்கம் அளிக்க வேண்டும். நாங்கள் பலமுறை மாவட்ட கருவூல அலுவலர் மற்றும் கலெக்டர் நடத்தும், ஓய்வூதியர் குறை தீர்ப்புக்கூட்டத்தில் முறையிட்டும், நியாயம் கிடைக்கவில்லை.

இவ்வாறு, பொன்வேலாயுதன் கூறினார்.

மாவட்ட கருவூல அதிகாரிகள் கூறுகையில், 'அரசின் விதிமுறை மற்றும் நடைமுறையை மாற்ற, எங்களுக்கு அதிகாரம் இல்லை. அதனால் வழக்கம் போல், கமிட்டி கூடிதான் மருத்துவ ரசீது அடிப்படையில் தொகை வழங்கப்படுகிறது' என்று சாக்கு போக்கு கூறுகின்றனர்.

கண், கருப்பை, குடலிறக்கம், எலும்பு முறிவு, இருதய அறுவை சிகிச்சை என்று கட்டணத்தை வகைப்படுத்தி, அதற்கேற்ப தொகையை வழங்குகின்றனர். இது, செலவு செய்த தொகையை விட மிககுறைவாக உள்ளது.

அப்படி இருக்கும் சூழலில், நாங்கள் எதற்கு மாதந்தோறும் மருத்துவ காப்பீட்டுத்தொகைக்காக, 479 ரூபாயை செலுத்த வேண்டும்? ஒவ்வொரு பென்ஷனரிடமிருந்தும், இவ்வளவு தொகையை பெற்றுக்கொண்டு, எங்களுக்கு பணம் பெறாமல் ஏன் சிகிச்சை வழங்குவதில்லை?