சூலூர்: சூலூர் போலீஸ் ஸ்டேஷன் பகுதிகளை பிரித்து, நீலம்பூரில் புதிய போலீஸ் ஸ்டேஷன் திறக்க முடிவு செய்யப்பட்டது. நிரந்தர கட்டடம் கட்ட இடம் தேர்வு செய்யும் பணி நடக்கிறது. இந்நிலையில், தற்காலிகமாக நீலம்பூரில் இருந்து ஆச்சான் குளம் செல்லும் வழியில் உள்ள ஊராட்சிக்கு சொந்தமான சமுதாய நலக் கூடத்தில் புதிய ஸ்டேஷனை துவக்க முடிவு செய்யப்பட்டது. நேற்று மாலை போலீசார் அவசர, அவசரமாக சமுதாய கூடத்தில் சுத்தப்படுத்தும் பணியில் ஈடுபட்டனர். அங்கு வந்த மக்கள், சமுதாய நலக் கூடத்தில் ஸ்டேஷன் துவக்க வேண்டாம், என, எதிர்ப்பு தெரிவித்தனர்.