குழந்தைகள் வளர்ச்சி திட்ட அலுவலகம் சார்பில், நிரந்தர ஆதார் பதிவு மையம், தொண்டாமுத்தூர் ஊராட்சி ஒன்றிய அலுவலக வளாகத்தில் உள்ள தொண்டாமுத்தூர் வட்டார குழந்தைகள் வளர்ச்சி திட்ட அலுவலகத்தில் செயல்பட்டு வருகிறது.

இம்மையம், காலை, 9:00 மணி முதல் மாலை, 5:00 மணி வரை செயல்படுகிறது. இங்கு, ஆதார் பெயர் மாற்றம், கைரேகை பதிவு செய்தல், முகவரி மாற்றம், பிறந்த தேதி மாற்றம், மொபைல் எண் இணைப்பு, 5 வயதிற்குட்பட்ட குழந்தைகளுக்கு புதிய ஆதார் பதிவு செய்தல் உள்ளிட்ட சேவைகள் வழங்கப்பட்டு வருகிறது.

பொதுமக்கள் இந்த நிரந்தர ஆதார் பதிவு மையத்தின் சேவைகளை பயன்படுத்தி பயன்பெறலாம் என, குழந்தைகள் வளர்ச்சி திட்ட அலுவலக அதிகாரிகள் தெரிவித்துள்ளனர்.