கோவில் நுழைவாயிலில் முன்பு உள்ள மேற்கூரையில், நடராஜர் ஆனந்த நடனம் ஆடும் ஓவியமும், கோவிலில் நுழைந்ததும் உள்ள மேற்கூரையில், 63 நாயன்மார்கள், தனித்தனியாக வரையப்பட்ட ஓவியங்களும் உள்ளன. அதன் இருபுறமும், கச்சியப்ப முனிவர் இயற்றிய பேரூர் புராணத்தின் 36 படலங்களும், தனித்தனியாக வரையப்பட்டு, அதில் ஒவ்வொரு படலத்தின் பெயர்களும் குறிப்பிடப்பட்டுள்ளது. கனகசபை மண்டபத்தின் மேற்கூரை விதானத்தில், சிவபெருமானின் 8 பராக்கிரமங்களை குறித்த, அஷ்ட வீரட்ட தல ஓவியம் வரையப்பட்டுள்ளது.