முதலில் பேட்டிங் செய்த ஏ.எஸ்.பி., அணியினர், 49.2 ஓவரில் அனைத்து விக்கெட்களையும் இழந்து, 147 ரன்கள் எடுத்தனர்.

வீரர் அப்துல் ரகுமான், 30 ரன்கள் எடுத்தார். எதிரணி வீரர் சதீஷ்குமார் மூன்று விக்கெட்கள் வீழ்த்தினார். அடுத்து விளையாடிய, ரத்தினம் கல்லுாரி அணியினர், 44.5 ஓவரில் ஆறு விக்கெட் இழப்புக்கு, 148 ரன்கள் எடுத்தனர்.

வீரர் பாசில், 51 ரன்கள் எடுத்து அணியின் வெற்றிக்கு வழிவகுத்தார். எம்.எம்., கிரிக்கெட் கிளப் அணியும், பி.எஸ்.ஜி., டெக்., கிரிக்கெட் கிளப் அணியும் மோதின. பேட்டிங் செய்த எம்.எம்., கிரிக்கெட் கிளப் அணியினர், 50 ஓவர்களில், 9 விக்கெட் இழப்புக்கு, 187 ரன்கள் எடுத்தனர்.

பி.எஸ்.ஜி., டெக்., அணியினரோ, 24.5 ஓவரில் அனைத்து விக்கெட்களையும் இழந்து, 84 ரன்கள் மட்டுமே எடுத்தனர். எதிரணி வீரர் வினோத் குமார் நான்கு விக்கெட்கள் வீழ்த்தினார். தொடர்ந்து, போட்டிகள் நடந்துவருகின்றன.