மாவட்டம் முழுவதும், 2,800 போலீசார் பாதுகாப்பு பணியில் ஈடுபடுகின்றனர். சதுர்த்தி கொண்டாட்டம் குறித்த கட்டுப்பாடுகள் மற்றும் விதிகளை, போலீசார் வெளியிட்டுள்ளனர்.

அவை:

* சிலை வைக்கும் இடம் தனியாருக்கு சொந்தமாக இருந்தால், நில உரிமை யாளரிடமும், அரசு புறம்போக்கு இடமாக இருந்தால், சம்பந்தப்பட்ட துறை மற்றும் உள்ளாட்சி அமைப்பு, நெடுஞ்சாலை துறையிடம் தடையின்மை சான்று பெற்றிருக்க வேண்டும்.

* ஒலிபெருக்கி காலையில் 2 மணி நேரம், மாலையில் 2 மணி நேரம் மட்டுமே பயன்படுத்தலாம். அதிக ஒலி வைக்கக்கூடாது. உள்ளூர் போலீஸ் ஸ்டேஷனில் அனுமதி பெற வேண்டும்.

* சிலை வைக்கும் இடங்களில், தீ தடுப்பு வசதி, மின் இணைப்பு இருக்க வேண்டும்.

* களிமண்ணால் தயாரித்த சிலை மட்டுமே வைக்கலாம். மாசு ஏற்படுத்தக்கூடிய பிளாஸ்டர் ஆப் பாரீஸ், தடை செய்யப்பட்ட பொருட்கள், வண்ணங்கள் கொண்ட சிலை வைக்க கூடாது.

* அவசரகால மருத்துவ வசதி இருக்க வேண்டும். எளிதில் தீப்பற்றக்கூடிய பொருட்களை வைக்க கூடாது.

* மருத்துவமனை, கல்வி நிறுவனங்கள், பிற மத வழிபாட்டு தலங்களுக்கு அருகே சிலை வைக்க கூடாது.

* பிளக்ஸ் பேனர் வைக்கக் கூடாது.

* சிலை பாதுகாப்புக்கு இரண்டு தன்னார்வலர்கள், 24 மணி நேரமும் இருக்க வேண்டும்.

* சிலை கரைக்க அனுமதிக்கப்பட்ட நேரத்தில், அனுமதித்த வழித்தடங்களில், அனுமதித்த வாகனத்தில் மட்டுமே செல்ல வேண்டும்.

* பட்டாசு, வெடிகள் பயன்படுத்தக்கூடாது.