மாநிலம் முழுவதும் செயல்படும், 110 அரசு கலை, அறிவியல் கல்லுாரிகளில், 24 ஆயிரத்து, 309 முதுகலை பட்டப்படிப்புக்கள் உள்ளன. இதற்கான சேர்க்கை கடந்த மாதம், 20ம் தேதி முதல் நடந்து வருகிறது.

கோவை அரசு கலைக் கல்லுாரியில், 20 முதுகலை பட்டப்படிப்புகள் வழங்கப்படுகின்றன. 557 இடங்கள் உள்ளன. 6,514 விண்ணப்பங்கள் பெறப்பட்டன. தரவரிசைப்பட்டியல் வெளியிடப்பட்ட நிலையில், இன்று கலந்தாய்வு துவங்குகிறது.

முதற்கட்டமாக சிறப்பு பிரிவுகளான, விளையாட்டு, மாற்றுத்திறனாளிகள், முன்னாள் ராணுவத்தினரின் பிள்ளைகள், என்.சி.சி., உள்ளிட்டவற்றுக்கு கவுன்சிலிங் நடக்க உள்ளது.

பொதுக்கலந்தாய்வு, வரும் 13ம் தேதி துவங்க உள்ளது. முதுகலை மாணவர்களுக்கான முதலாம் ஆண்டு வகுப்புகள், வரும் 20 முதல் துவங்க உள்ளது.