மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது.

இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என, பல்வேறு இடங்களில் உற்பத்தி செய்யப்படும் உருளைக்கிழங்கு ஏலம் விடப்பட்டு விற்பனை செய்யப்படுகிறது.

கடந்த சில நாட்களாக அதிகபட்சமாக, 45 கிலோ எடை கொண்ட ஒரு மூட்டை ஊட்டி உருளைக்கிழங்கு ரூ.2,300 முதல் ரூ.2,500 வரை விற்பனை ஆனது. அதன் பின் மெல்ல மெல்ல விலை உயர்ந்து வந்தது.

இதையடுத்து, நேற்று முன் தினம் ஊட்டி கிழங்குகள் அதிகபட்சமாக ரூ.3,120க்கு விற்பனை ஆனது. நேற்று ஒரே நாளில் மூட்டைக்கு ரூ.470 சரிந்து, ரூ.2,650க்கு விற்பனை ஆனது. 650 மூட்டைகள் லோடு வந்தன.