இதற்காக, 100 வார்டுகளில் எந்தெந்த இடங்களில் புதிதாக வடிகால் கட்ட வேண்டுமென ஆய்வு மேற்கொள்ளப்பட்டது. மாநகராட்சியோடு இணைக்கப்பட்ட உள்ளாட்சி பகுதிகளில் புதிதாக உருவான நகர் பகுதிகளில் மழை நீர் வடிகால் வசதி இன்னும் செய்து தரப்படவில்லை. அங்கு மழை நீர் தேங்குவதால் மண் சாலைகள் சேறும் சகதியுமாக மாறி விடுகின்றன. வாகனங்களில் செல்வோர் தடுமாறி கீழே விழுகின்றனர். நடந்து கூட செல்ல முடியாமல் மக்கள் அவதிப்படுகின்றனர். இவை தவிர, நகரப்பகுதியில் ஏற்கனவே கட்டப்பட்டு பயன்பாட்டில் உள்ள மழை நீர் வடிகால் மண் மேவி அடைப்பு ஏற்பட்டுள்ளதால், தண்ணீர் செல்ல வழியின்றி, ரோட்டில் ஓடுகின்றன.

எந்தெந்த இடங்களில் மழைநீர் வடிகால் கட்ட வேண்டுமென, பொறியியல் பிரிவு மூலமாக, 100 வார்டுக்கும் சேர்த்து, 2,200 கோடி ரூபாய் தேவைப்படுமென, விரிவான திட்ட அறிக்கையை மாநகராட்சி தயாரித்துள்ளது. இதில், அவசிய அவசரம் கருதி முக்கியமாக வேண்டிய இடங்களை அடையாளம் கண்டு, முதல்கட்டமாக, 274கோடி ரூபாய் கேட்டு, தமிழக நகராட்சிகளின் நிர்வாக இயக்குனரகத்துக்கு கருத்துரு அனுப்பப்பட்டுள்ளது.

மாநகராட்சி கமிஷனர் சிவகுரு பிரபாகரன் கூறுகையில், ''மாநகராட்சி பகுதி முழுவதும் மழை நீர் வடிகால் கட்டுவதற்கு திட்ட அறிக்கை தயாரித்துள்ளோம். அதில், 49 ரோடுகளில், 116.29 கி.மீ., துாரத்துக்கு, 274 கோடியில் மழை நீர் வடிகால் கட்டுவதற்கு நிதி ஒதுக்கக்கோரி, தமிழக அரசுக்கு முன்மொழிவு அனுப்பியுள்ளோம்,'' என்றார்.