சேலம் கோட்ட ரயில்வே துறையில் பல்வேறு மேம்பாட்டு பணிகள் நடக்க உள்ளன. இதை முன்னிட்டு வரும், 8, 10 ம் தேதிகளில் கோவை - கண்ணுார்(16608) எக்ஸ்பிரஸ் ரயில், போத்தனுார் ரயில்வே ஸ்டேஷனில் இருந்து, மதியம், 2:03 மணிக்கு புறப்படும். இந்த ரயில், கோவை - போத்தனுார் இடையே இயக்கப்படாது.

இதே ரயில், வரும், 14, 16, 18, 20, 22, 25, 27, 29, 31 ம் தேதிகளில், மாலை 3:10 மணிக்கு பாலக்காடு சந்திப்பில் இருந்து புறப்படும்; கோவை - பாலக்காடு இடையே ரயில் இயக்கப்படாது.

அதேபோல், 8, 10, 12, 22, 29 ஆகிய தேதிகளில், கண்ணுார் - கோவை(16607) எக்ஸ்பிரஸ் ரயில், கண்ணுாரில் இருந்து பாலக்காடு வரை மட்டுமே இயக்கப்படும். பாலக்காடு - கோவை சந்திப்பு இடையே இயக்கப்படாது.

* போத்தனுார் - இருகூர் ரயில்பாதையில் ரயில்வே மேம்பாட்டு பணிகள் நடப்பதால், வரும், 8, 9, 15, 17, 19, 21, 24, 26, 31 ஆகிய தேதிகளில், எர்ணாகுளம் - டாட்டா நகர் சந்திப்பு(18190), ஆலப்புழா - தன்பாத்(13352) ரயில்கள், போத்தனுார் - இருகூர் ரயில்பாதையில் இயக்கப்படும். ஆலப்புழா - தன்பாத் ரயில், கோவை சந்திப்புக்கு பதில், போத்தனுார் ரயில்வே ஸ்டேஷனில் நின்று செல்லும் என, தெற்கு ரயில்வே அறிவித்துள்ளது.