நாராயணன் அண்ணாமலை, ஒண்டிபுதுார்.

2. சிங்காநல்லுாரில் மின்கம்பி சேதம்

சிங்காநல்லுார், ஸ்ரீ மருதம் காம்ப்ளக்ஸ் அருகே மின்கம்பி சேதமடைந்துள்ளதால், அடிக்கடி மின்தடை ஏற்பட்டு மக்கள் அவதிப்படுகிறோம்.

– அஜய், சிங்காநல்லுார்.

3. ஜி.வி. ரெசிடென்சியில் குப்பை குவியல்

ஜி.வி. ரெசிடென்சி– ஃபன் மால் ரோட்டில் உள்ள மலர் மருத்துவமனை எதிரே குப்பைகள் சிதறிக் கிடக்கின்றன. சாலையில் கிடக்கும் குப்பைகளை அகற்ற வேண்டும்.

– மோகன் குமார், ஜி.வி. ரெசிடென்சி.

4. கணபதியில் கட்டட கழிவுகள்

மாநகராட்சி வடக்கு மண்டலம், 29-வது வார்டுக்கு உட்பட்ட கணபதி, வி.என்.எஸ்., நகரில் உள்ள முக்கிய சாலையில் மாநகராட்சி ஒப்பந்ததாரர் வேறு இடத்திலிருந்து கட்டட கழிவுகளை கொட்டுகின்றனர். இதனால் போக்குவரத்து இடையூறு ஏற்படுகிறது.

– ஜீவானந்தம், கணபதி.

5. குனியமுத்துாரில் இருள்

குனியமுத்துார், பி.கே. புதூர், பாலு கார்டன் பேஸ்- 2 யில் கடந்த ஒரு மாதமாக தெருவிளக்குகள் எரியவில்லை. இதனால் இரவு நேரத்தில் அப்பகுதி இருளில் மூழ்கி, மக்கள் சிரமத்துக்குள்ளாகின்றனர்.

– கீதா, குனியமுத்துார்.

6. வடவள்ளியில் வாகனங்கள் தடுமாற்றம்

வடவள்ளி சாலையில் சீரமைப்பு பணிக்காக சாலை முழுவதும் கற்கள் கொட்டப்பட்டு சிதறிக் கிடக்கின்றன. இருசக்கர வாகனங்களில் செல்வோர் நிலைதடுமாறி விபத்தில் சிக்கும் அபாயம் உள்ளது.

– உன்னிகிருஷ்ணன், வடவள்ளி.

7. கவுண்டம்பாளையத்தில் சீரமைக்காத சாலை

கவுண்டம்பாளையம், 17-வது வார்டுக்கு உட்பட்ட டாக்டர் நகர் குடியிருப்பில், 2025-ம் ஆண்டு துவக்கத்தில் பாதாள சாக்கடை குழாய் பதிக்கும் பணிக்காக சாலை தோண்டப்பட்டது. பணி முடிந்து ஒன்றரை ஆண்டுக்கு மேலாகியும் சாலை சீரமைக்கவில்லை.

– நடராஜன், டாக்டர் நகர்.

8. ஆர்.எஸ்.புரத்தில் ஆக்கிரமிப்பு

ஆர்.எஸ்.புரம் மேற்கு பகுதியில் நடைபாதை ஆக்கிரமிக்கப்பட்டதால், பாதசாரிகள் சாலையில் நடந்து செல்ல வேண்டிய சூழல் உள்ளது. விபத்து ஏற்படும் ஆபத்து உள்ளது.

– ராமமூர்த்தி, கோவை.