பொள்ளாச்சி சீதாராம ஆஞ்சநேய சுவாமி தேவஸ்தானம் மற்றும் ராகவேந்திரா சுவாமி மிருத்திகா பிருந்தாவனத்தில், ராமநவமி ரதோற்சவ விழா கடந்த, 30ம் தேதி மஹாகணபதி ேஹாமத்துடன் துவங்கியது. வரும், 9ம் தேதி வரை சிறப்பு பூஜைகள் நடக்கின்றன.

நேற்று முன்தினம் காலை, ேஹாம பூஜைகள், வேதபாராயணமும், காலை, 9:00 மணிக்கு கருட கம்பத்தில் கொடியேற்ற நிகழ்ச்சி நடந்தது. திரளான பக்தர்கள் பங்கேற்றனர். தொடர்ந்து, இரவு, 7:00 மணிக்கு கருட வாகனத்தில் சுவாமி திருவீதி உலா செல்லும் நிகழ்ச்சி நடந்தது.

நாளை சீதா ராமச்சந்திர மூர்த்தி திருக்கல்யாண உற்சவமும், 6ம் தேதி காலை மற்றும் மாலையில் சீதாராமச்சந்திர மூர்த்தி திருத்தேர் திருவீதி உலா செல்லும் நிகழ்ச்சியும் நடக்கிறது.7ம் தேதி புஷ்பபல்லக்கு திருவீதி உலா நடக்கிறது. இதற்கான ஏற்பாடுகளை கோவில் நிர்வாகத்தினர் செய்து வருகின்றனர்.