இவ்விடங்களை, அப்போதைய குறிச்சி பேரூராட்சிக்கு தானப்பத்திரம் வாயிலாக ஒப்படைக்காமல், மனைகளாக பிரித்து விற்பனை செய்திருக்கின்றனர். 2023ல் இதுதொடர்பாக, சென்னை ஐகோர்ட்டில் நடந்த வழக்கில், மாநகராட்சிக்கு சாதகமாக தீர்ப்பு கிடைத்தது.

'ரிசர்வ் சைட்' பகுதியில், 7 சென்ட் இடத்தில், 1,526 சதுரடி பரப்பளவில் வீடு கட்டப்பட்டிருந்தது; மீதமுள்ள காலியிடத்தை ஆக்கிரமிக்கும் வகையில், கடந்த வாரம் வேலி போடுவதற்கான முயற்சி நடந்தது.

இதுதொடர்பாக, 18ம் தேதி நமது நாளிதழில் படத்துடன் செய்தி வெளியிடப்பட்டது. அப்பகுதியை சேர்ந்தவர்கள் தடுத்து நிறுத்தி, மாநகராட்சிக்கு தகவல் தெரிவித்தனர்.

அங்குள்ள ஆக்கிரமிப்புகளை அகற்றி, நிலத்தை மீட்க, மாநகராட்சி கமிஷனர் சிவகுரு பிரபாகரன் உத்தரவிட்டார். தெற்கு மண்டல உதவி நகரமைப்பு அலுவலர் மகேந்திரன் தலைமையிலான அலுவலர்கள் நேற்று, போலீஸ் பாதுகாப்புடன் சென்று, ஆக்கிரமிப்பு நிலத்தில் கட்டப்பட்டிருந்த வீட்டை இடித்து தரைமட்டம் ஆக்கினர்.

ஆக்கிரமிக்கப்பட்டு இருந்த இடத்தின் தற்போதைய சந்தை மதிப்பு,. ஒரு கோடி ரூபாய் இருக்குமென, மாநகராட்சி நகரமைப்பு பிரிவினர் மதிப்பிட்டுள்ளனர்.