- துரை, சூலுார்.

பேருந்துகளை அதிகரிக்கணும் சேரன் மாநகருக்கு குறைந்த எண்ணிக்கையில், அரசு பஸ்கள் இயக்கப்படுகின்றன. மினி மற்றும் தனியார் பஸ்களும் வருவதில்லை. பொதுமக்கள் சிரமப்படுகின்றனர். ஆட்டோ, கால்டாக்ஸியை நம்பியிருக்க வேண்டியுள்ளது. இவ்வழித்தடத்தில் கூடுதலாக அரசு பஸ்கள் இயக்க வேண்டும்.

- காந்திமதி, சேரன் மாநகர்.

பாழாகும் வாலாங்குளம் வாலாங்குளம் கரையில் சிலர், தொடர்ந்து குப்பை மற்றும் உணவுக்கழிவு கொட்டிச் செல்கின்றனர். கரைகளில் கழிவு ஒதுங்கி, சாக்கடை போல் காட்சியளிக்கிறது. குளத்து நீர் மாசடைந்து, துர்நாற்றம் வீசுகிறது.

- பாலன், போத்தனுார்.

மதுக்கடையை மாற்றுங்கள் பொள்ளாச்சி ரோடு, எல்.ஐ.சி., காலனி, எல்.ஜி. கம்பெனி அருகே டாஸ்மாக் கடை செயல்படுகிறது. மாலை வேளையில் சிலர் மதுவை வாங்கி சாலையோரம், அருகில் உள்ள மரத்தடியில் நின்றபடியே அருந்துகின்றனர். வாகனங்களை தாறுமாறாக சாலையில் நிறுத்துவதால் போக்குவரத்து நெருக்கடி ஏற்படுகிறது.

- வேணுகோபால், எல்.ஐ.சி., காலனி.

நோய்த்தொற்று அபாயம் போத்தனுார், 95வது வார்டு, கடை வீதி, ரயில் நிலையம் செல்லும் சாலையில் பாதாள சாக்கடையில் அடைப்பு ஏற்பட்டுள்ளது. கழிவுநீர் நிரம்பி சாலையில் வழிந்தோடுகிறது. துர்நாற்றத்துடன் செல்லும் நீரால் தொற்று நோய் ஏற்படும் அபாயம் உள்ளது.

- பாபு, போத்தனுார்.

அதிகரிக்கும் விபத்துகள் காந்திபுரம் ஆம்னி பஸ் ஸ்டாண்ட் எதிரே உள்ள சாலையில், பயணிகளை ஏற்றுவதற்காக பஸ்கள் நிறுத்தப்படுகின்றன. சி.கே.காலனியில் இருந்து வரும் வாகனங்கள், சாலையை கடக்க சிரமமாக உள்ளது. விபத்துகளும் அதிகளவில் ஏற்படுகின்றன.

- முருகேசன், காந்திபுரம்.

சாலையை கடக்க சிரமம் விளாங்குறிச்சி ரோடு, வி.ஐ.பி., நகரில் எப்போதும் போக்குவரத்து நெருக்கடி ஏற்படுகிறது. காலை, மாலை நேரங்களில் சாலையை கடக்கவே, பல மணி நேரமாகிறது. சாலை நடுவே தடுப்பு வைக்க வேண்டும்.

-தங்கவேல், விளாங்குறிச்சி.

துரத்தும் நாய்கள் சுகுணா பிப்ஸ் பள்ளி அருகே, நேரு நகர் மேற்கில் தெருநாய்கள் சுற்றித்திரிகின்றன. நடந்து செல்வோர் மற்றும் பைக்கில் செல்வோரை கடிக்க துரத்துகின்றன. குழந்தைகள், முதியவர்கள் சாலையில் நடந்து செல்லவே அஞ்சுகின்றனர்.

- வித்யா, நேரு நகர்.

மோசமான சாலையால் விபத்து சிங்காநல்லுார் சிக்னல் முதல் ஒண்டிப்புதுார் வரை, ரோடு மிகவும் மோசமாக உள்ளது. அடிக்கடி விபத்து ஏற்படுகிறது.

- ராஜேந்திரன், சிங்காநல்லுார்.

சாலையில் ஓடும் கழிவுநீர் வெள்ளக்கிணறு அம்மாசை கவுண்டர் வீதியில் உள்ள, அபார்மென்ட் சோக்பீட் நிரம்பி, கழிவுநீர் சாலையில் வழிந்தோடுகிறது. வாகனங்கள் செல்லும்போது, நடந்துசெல்வோர் மீது தெறிக்கிறது.

- ராகேஷ், வெள்ளக்கிணறு.