இதில், சுற்றுச்சூழலை பாதுகாக்க, கிராமத்தை தூய்மையாக வைத்திருக்க வேண்டும். இதுவரை, ஊராட்சிகளில், தூய்மை பணியாளர்கள் வீடு வீடாக சென்று குப்பை சேகரிக்கும் போது, பொதுமக்கள் வீட்டில் உள்ள கழிவை, மக்கும் குப்பை, மக்காத குப்பை என, இரண்டாக பிரித்து தர வேண்டும் என தெரிவிக்கப்பட்டிருந்தது.

இனி வீட்டில் உள்ள கழிவுகளை, சமையலறையில் உள்ள கழிவுகளை ஈரக்கழிவு எனவும்; காகிதம், பிளாஸ்டிக் போன்றவற்றை உலர்கழிவு எனவும்; டயப்பர், நாப்கின் போன்றவற்றை சுகாதாரக் கழிவு எனவும்; பேட்டரி, காலாவதியான மருந்துகள், பல்ப் போன்றவை சிறப்பு கவன கழிவு எனவும், நான்காக கழிவுகளை பிரித்து தர வேண்டும்.

தெருக்களில் குப்பை கொட்டக் கூடாது, குப்பையை தீ வைத்து எரிக்க கூடாது என, தீர்மானம் நிறைவேற்றப்பட்டது.

அதன்பின், தெரு விளக்கு, பொதுக்கழிப்பிட வசதி அமைத்து தரவேண்டும் என, பொதுமக்கள் மனுக்களை அளித்தனர்.