கோவை மாவட்டம் காரமடை ஊராட்சி ஒன்றியம் நெல்லித்துறை ஊராட்சிக்குட்பட்டது கடம்பன் கோம்பை மலைக்கிராமம். 28 குடும்பங்களை சேர்ந்த 75க்கும் மேற்பட்டோர் வசித்து வருகின்றனர்.

இக்கிராமத்தில் சாலை, மின்சாரம் உள்ளிட்ட முக்கிய அடிப்படை வசதி எதுவும் இல்லை. சுமார் 5 கி.மீ, தூரம் மக்கள் நடந்து சென்று தான், அருகில் உள்ள நீராடி மற்றும் பில்லூர் டேம் பகுதிக்கு செல்ல முடியும்.

இதனிடையே, இப்பகுதியில் தார் சாலை ரூ.1.62 கோடி மதிப்பில் சுமார் 5 கி.மீ., தூரம் தற்போது அமைக்கப்பட்டு வருகிறது.

இதனை கோவை மாவட்ட கலெக்டர் பவன்குமார் நேரில் பார்வையிட்டு ஆய்வு மேற்கொண்டார்.

பின் பணிகளை விரைவாகவும், தரமாகவும் முடிக்க அதிகாரிகளுக்கு உத்தரவிட்டார். சாலை அமைக்கும் பணி தற்போது விறுவிறுப்பாக நடைபெற்று வருகிறது.-