கோவை மண்டல போக்குவரத்து அலுவலகத்தில், பணிபுரியும் பணியாளர்களுக்கு, இம்மாத சம்பளம் 12 நாட்களாகியும் வழங்கப்படாதது குறித்து, நமது நாளிதழில் செய்தி வெளியிடப்பட்டது.

இதையடுத்து, நேற்று பணியாளர்களின் வங்கிக்கணக்கிற்கு, மதியம் 1:00 மணியளவில் சம்பளம் வரவு வைக்கப்பட்டது. போக்குவரத்துத்துறை பணியாளர்கள் சிலர் மகிழ்ச்சியுடன் கூறுகையில், 'பண்டிகை நெருங்கும் நேரத்தில் 12 நாட்களாக சம்பளம் வழங்கப்படாததால், மிகவும் சிரமப்பட்டோம். உங்கள் நாளிதழில் விரிவாக செய்தி வெளியான பின், தற்போது சம்பளம் கிடைத்து விட்டது' என்றனர்.