வால்பாறை சுப்ரமணிய சுவாமி கோவிலில்,சித்திரை மாதம் சங்கடஹர சதுர்த்தி பூஜையை முன்னிட்டு, விநாயகருக்கு நேற்றுமாலை, 5:30 மணிக்கு சிறப்பு அபிேஷக பூஜை நடந்தது. மாலை, 6:30 மணிக்கு சிறப்பு அலங்காரபூஜை நடைபெற்றது.

பூஜையில், சுமங்கலி பாக்கியத்துக்கு பெண்கள் மஞ்சள் கயிறு மாற்றிக்கொண்டனர். சங்கடம் போக்கும் சங்கடஹர சதுர்த்தி பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது. இதே போல், வால்பாறை நகர் மற்றும் எஸ்டேட் பகுதியில் உள்ள கோவில்களில் சங்கடஹர சதுர்த்தி நாளான நேற்று, விநாயக பெருமானுக்கு சிறப்பு பூஜைகள் நடந்தன. இதில் பக்தர்கள் கலந்து கொண்டு சுவாமி தரிசனம் செய்தனர்.