ADDED : மே 21, 2026 09:47 AM
சூலூர்: ஆச்சான் குளக்கரையில் வாலிபரை அடித்து கொலை செய்த வழக்கில், தேடப்பட்டு வந்த நபர் போலீசாரிடம் சரண் அடைந்தார்.
சூலூர் அடுத்த நீலம்பூர் ஆச்சான் குளக்கரையில், கடந்த, 18 ம்தேதி வாலிபர் சடலம் மீட்கப்பட்டது. கொலை வழக்குப்பதிவு செய்து போலீசார் விசாரித்தனர். அன்று மாலை, பரமக்குடியை சேர்ந்த கோகுல், 28 நீலம்பூர் போலீசாரிடம் சரணடைந்தார். கோகுல், ஹரீஷ் குமார், கொலை செய்யப்பட்ட சரவணன் ஆகிய மூவரும் ஒரே நிறுவனத்தில் வேலை செய்து வந்ததும், சம்பவத்தன்று மூவரும் ஆச்சான் குளக்கரையில் மது அருந்தி உள்ளனர்.
அப்போது ஏற்பட்ட தகராறில், கோகுலும், ஹரீஸ்குமாரும் சேர்ந்து சரவணனை அடித்து கொன்றது தெரிந்தது. தலைமறைவான ஹரீசை போலீசார் தேடிவந்த நிலையில், நேற்று மதியம் நீலம்பூர் போலீஸ் ஸ்டேஷனில் அவர் சரணடைந்தார். அவரை கைது செய்து போலீசார் விசாரிக் கின்றனர்.
