பரிபூர்ணா ஷெல்டர்ஸ் பரிபூர்ணா ஐஸ்வர்யம் மூத்தகுடி மக்களுக்கான குடியிருப்பு, குப்பனூரில் உள்ளது. இக்குடியிருப்பில், வார இறுதி நாளான நேற்று முன் தினம், 'ரெட்ரோஸ் சந்திப்பு' என்ற இசை நிகழ்ச்சி நடந்தது.

மாலை, 5:00 முதல் இரவு, 7:00 மணி வரை இசை நிகழ்ச்சி நடந்தது. இதில், 1960 முதல் 1980ம் ஆண்டு வரை உள்ள, திரைப்பட பாடல்களின் 'கரோக்கி' இசையில், பாடகர் ராஜா மற்றும் பாடகி தீபா முரளி ஆகியோர், பழைய பாடல்களை அருமையாக பாடினர்.

2 மணி நேரம் நடந்த இந்த இசை நிகழ்ச்சியில், தமிழ், மலையாளம், ஹிந்தி ஆகிய மொழிகளில், 20க்கும் மேற்பட்ட பாடல்களை பாடினர். குடியிருப்பை சேர்ந்த ஏராளமானோர், பழைய பாடல்களை கேட்டு ரசித்தனர்.