அதில் இருந்து அவர்களை தற்காத்து கொள்ள, சில வழிமுறைகளை கூறுகிறார் பிசியோதெரபிஸ்ட் சதீஷ்குமார்.

முதுமை காலங்களில் தடுமாறி விழுந்து, எலும்பு முறிவு ஏற்பட்டு காலம் முழுவதும் அவதி அடைந்து வருகின்றனர். இதுபோன்ற பிரச்னையில் இருந்து விடுபட, பல வழிமுறைகள் உள்ளன.

n கட்டிலை, அவர்கள் வலது அல்லது இடது என எந்த பக்கத்தில் இருந்து எழுந்து செல்வார்களோ, அந்த பக்கத்தில் சுவரை ஒட்டி அமைக்க வேண்டும்.

n இரவு நேரங்களில் உதவி தேவைப்படும் பட்சத்தில், பெல்லை அழுத்தி அழைக்க ஏற்பாடு செய்து கொடுக்க வேண்டும்.

n கட்டிலில் இருந்து எழுந்து செல்வதற்கு, சுவர்களில் கைப்பிடி அமைத்து கொடுக்கலாம்.

n மின் விசிறிகளை அவர்களே இயக்கும்படி, 'ரிமோட்' அல்லது கைகளை தட்டும் போது இயங்குவது போன்று அமைத்து கொடுக்க வேண்டும்.

n கட்டிலின் ஒரு பகுதி சுவரை ஒட்டியும், கீழே விழுந்தால் அடிபடாதவாறு கீழே மேட், பாத்ரூம் செல்லும் போது கதவை திறந்தால், விளக்கு எரிவது ஆகிய வசதிகளை செய்து கொடுத்தால், அவர்கள் கீழே விழுந்து அடிபடுவதை தவிர்க்கலாம்.

n முதுமை காலத்தில் பலருக்கு தலை சுற்றல் இருக்கிறது. இதனை தடுக்க, படுத்திருக்கும்போது பாதங்களை சிறிது நேரம் அசைத்துக் கொண்டு இருக்க வேண்டும். கட்டிலில் இருந்து எழுந்தவுடன் ஒரு நிமிடம் கட்டிலில் அமர்ந்து, பின் மெதுவாக எழ வேண்டும்.

n முதியவர்கள் முடிந்தால் மூச்சு பயிற்சி செய்யலாம். மூளைக்கு ஆக்சிஜன் செல்லும் போது, தலை சுற்றல் இருக்காது.

n யாராவது அழைத்தால் தலையை, உடலுடன் சேர்த்து திருப்ப வேண்டும். பிசியோதெரபிஸ்டிடம் சென்று எளிய பயிற்சி மேற்கொண்டால் கால், மூட்டு வலிமை பெறும்.