மேட்டுப்பாளையத்தில் பவானி ஆற்றின் கரையோரம், மிகவும் பழமையான சுப்பிரமணிய சுவாமி கோவில் உள்ளது. இக்கோவில் ஹிந்து சமய அறநிலையத்துறைக்கு உட்பட்டதாகும்.

ஒவ்வொரு ஆண்டும் சூரசம்ஹாரம், விழா சிறப்பாக நடைபெறும். இந்த ஆண்டு இன்று (22ம் தேதி) காலை, 10:00 மணிக்கு கந்த சஷ்டி ஆரம்பம் மற்றும் சுவாமிக்கு காப்பு கட்டுதலும், அபிஷேக, அலங்கார பூஜையும் நடைபெற உள்ளது. 26ம் தேதி வரை தினமும் அபிஷேக, அலங்கார பூஜை நடைபெறும்.

27ம் தேதி மாலை 6:00 மணிக்கு சக்திவேல் வாங்குதலும், அதைத் தொடர்ந்து கந்த சஷ்டி சூரசம்ஹாரம் திருவீதி உலாவும் நடைபெற உள்ளது.

28ம் தேதி காலை, 10:30 மணிக்கு வள்ளி, தெய்வானை சமேதராக சுப்பிரமணிய சுவாமி திருக்கல்யாண வைபவம் நடைபெற உள்ளது.

பின்பு பக்தர்களுக்கு பிரசாதமும், அன்னதானமும் வழங்கப்பட உள்ளது. விழா ஏற்பாடுகளை கோவில் நிர்வாக அலுவலர் மற்றும் பணியாளர்கள் செய்து வருகின்றனர்.